EXPOSICIÓN "OUTROS UNIVERSOS"

O pasado 16 de xuño, inauguramos a exposición de pintura "Outros Universos" no local ITACA de Xinzo de Limia (Ourense). A exposición consta de quince cadros que fun realizando durante un longo período de tempo. Ademais conta cunha montaxe feita polo meu amigo Xosé Santos, grande defensor da natureza, para conmemorar o 60 aniversario do triste desecamento da Lagoa de Antela… unha das maiores reservas naturais lacustres de Europa.

A exposición permanecerá todo o verán. Para min é un honor expor nun marco tan especial. Durante a fin de semana que estiven na Galiza, puiden compartir moi bos momentos con xente amiga e visitar paraxes realmente máxicas.

Quero dar as grazas a todas as persoas que asistiron á inauguración, e asistirán á exposición. A Zalo, o artífice do proxecto ITACA por ofrecerme o seu espazo, e a súa grande axuda na montaxe. A Xosé Santos  e familia, polo seu apoio, por acollerme amábel e xenerosamente na súa casa de Soutelo de Pena, e pola súa prezada compaña e amizade. A "Amigas das árbores". A Arturo Bermejo por acollerme amábel e xenerosamente na súa casa de O Sixto, e pola súa prezada compaña e amizade. Aos amigos e amigas asistentes. A Alejandro, polo seu apoio. A Ernesto e os seus axudantes de carpintería de Jarandilla de la Vera, pola montaxe dos marcos dos cadros. Aos momentos vividos. E á Nai Terra… unha vez máis, e sempre.